Soldarte -Soldadura Teknologien Zentro Aurreratu berriak 2023aren hasieran jarriko de abian Haizea Bilbaoko instalazioetan. Bizkaiko Foru Aldundiak, Metaleko Enpresen Bizkaiko Federazioak (FVEM), Somorrostro Heziketa Zentroak eta Haizea Wind Group -ek sustatutako proiektu honen bidez, enplegagarritasuna sustatu nahi da soldadurako prestakuntzari esker.
Soldarte -Soldadura Teknologien Zentro Aurreratu berriak 225 pertsona trebatuko ditu soldadurarekin lotutako gaitasunetan, eta, gainera, horietako 145ek laneratzea bermatuta dute Haizea Bilbaon. Heziketa hiru espezializaziotan ardaztuko da: arku murgildua (SAW), erdiautomatikoa eta bizar-kentzea.
Soldarte programa irekita dago Bizkaian bizi den edozein pertsonarentzat, bai langabezian daudenek, bai lana aldatzea erabakitzen dutenek. Soldadurari lotutako profil profesionalak asko eskatzen dituzte Bizkaiko industria-sektoreko enpresek; beraz, ekimen honek lanpostu berriak, egonkorrak eta kalitatekoak sortzeko bermea da. Oraingoz, Haizea Bilbao da Soldarte proiektuan parte hartzen duen enpresa bakarra, baina programa honek Bizkaiko metalaren industria osoarentzat onuragarri izan daiteke.
